കറവപ്പശുക്കള്‍

ആരോ പറഞ്ഞു പ്രവാസികള്‍
കറവപ്പശുക്കള്‍  ആണെന്ന്
പാല്‍ നല്‍കാന്‍ വേണ്ടി മാത്രം
ജീവിച്ചു  മരിക്കുന്നവര്‍

അകിടിന്റെ വേദനയോ
പശുവിന്റെ മനസ്സോ
കറവക്കാരന് വിഷയമല്ലല്ലോ
ആവിശ്യത്തിന് പാല്‍ കിട്ടണം
ആവശ്യം കൂടിയാല്‍
പാല്‍ കൂടണം അത്ര തന്നെ

അറിയുക പലപ്പോഴും അത്
ചുരത്തുന്നത് അതിന്‍റെ
രക്തം തന്നെയാണ് അതില്‍    
കണ്ണുനീര്‍ കൂടി കലര്‍ത്തി 
 അവരതിന്‍ നിറം മാറ്റി
 വെളുപ്പാക്കുന്നു ...നമ്മളത് 
ആര്‍ത്തിയോടെ മോന്തുന്നു ...

മസാല ദോശ

ഇന്നും ഞാനൊരു മസാല ദോശ കഴിച്ചു
എന്തോ ദോശക്ക് പഴയ രുജി പോരാ
മസാല കൂടുതലാണ് നെയ്യ് കൂടുതലാണ്
വിലയും വലിപ്പവും കൂടുതലാണ്
എന്നിട്ടും ദോശക്ക് പഴയ രുജി പോരാ
അന്ന് നമ്മുടെ സൌഹൃതത്തിന്റെ നെയ്യ്
പുരട്ടിയ , സ്നേഹത്തിന്റെയും പരസ്പര
വിശ്വാസത്തിന്റെയും ചട്ടിണിയില്‍ മുക്കിയ
ദോശ ആയതിനലാകണം അത്ര രുജി.....
അറിയാതെ ഞാന്‍  മറുപുറം നോക്കി
ഏതോ ബംഗാളി ആര്‍ത്തി കാട്ടി ദോശ തിന്നുന്നു
ഇന്ന് ബില്ലടച്ചപ്പോള്‍ മുന്‍പില്ലാത്ത ഒരു നിരാശ 
അന്ന് വില കൂട്ടിയിരുന്നത് സൌഹൃദത്തിനായിരുന്നല്ലോ 
ഇന്ന് ഞാന്‍ ബാക്കി വെച്ച ദോശ കഷ്ണം 
പാത്രത്തില്‍ അനാഥമായി കിടന്നു 
ഹോട്ടലില്‍ നിന്നിറങ്ങുമ്പോള്‍ വയര്‍ 
നിറഞ്ഞിരുന്നില്ല  പക്ഷേ  ആത്മാര്‍ത്ഥ
സുഹൃത്തിന്‍റെ ഓര്‍മകളാല്‍ മനം നിറഞ്ഞിരുന്നു 

പരിഷ്കാരം

അന്ന് 
  നാണം മറക്കാന്‍ ഒന്നും കിട്ടാത്തപ്പോള്‍ 
പച്ചില കൊണ്ട് നാണം മറച്ചവര്‍ 
അപരിഷ്ക്രിതര്‍ .... 
ഇന്ന് 
നീളം കുറയുന്തോറും വില 
കൂടുന്ന വസ്ത്രം വന്‍ വില 
കൊടുത്ത് വാങ്ങി ധരിച്ച്
 നഗ്നരായി നടക്കുന്നവരോ 
 പരിഷ്കൃതരും
നാണമില്ലാത്ത  ലോകം  

പീഡനകാലം

അച്ഛന്‍ മകളെ , മകന്‍ അമ്മയെ ,

സഹോദരന്‍ സഹോദരിയെ 

ബാലന്‍ വൃദ്ധയെ വൃദ്ധന്‍ ബാലികയെ 

കാമുകന്‍ കാമുകിയെ  ....അങ്ങനെ അങ്ങനെ ...

  പത്രങ്ങളായ പത്രങ്ങളിലും  ചാനലുകളിലും 

പീഡന വാര്‍ത്തകള്‍ വീര്‍ത്തു വീര്‍ത്തു വന്നു 

സാഹിത്യം കലര്‍ത്തി എഴുതി നിറക്കാന്‍ 

സ്വ ലെ മാര്‍ മത്സരിച്ചു കൊണ്ടിരുന്നു 

ചാനലുകാര്‍ വാര്‍ത്തകള്‍ ആഘോഷിക്കുന്നു 

കഥകള്‍ക്ക് ദൃശ്യാവിഷ്കാരം വരെ നല്‍കി 
ഒരു മുഴു നീള(നീല) വാര്‍ത്ത‍ ചാനല്‍ 

പ്രതിയായവന്‍ ചിരിച്ച് സുന്ദരനായി 

പ്രത്യക്ഷപ്പെടുന്നു ,അവന്‍റെ വീര കഥകള്‍ 

ചായപീടികയിലും ഓഫീസ് മുറികളിലും 

വിദ്യാലയങ്ങളിലും വരെ  ചര്‍ച്ച വിഷയമായി .....

കാര്യങ്ങള്‍ അങ്ങനെ പുരോഗമിക്കുമ്പോള്‍ 

സ്ഥിരമായി വാര്‍ത്ത‍ വായിക്കുകയും 

കേള്‍ക്കുകയും ഇപ്പോള്‍ കാണുകയും 

ചെയ്യുന്ന അയാള്‍ക്ക്  ഒരു തോന്നല്‍  

ആരെക്കിട്ടില്‍ ഒരു തിരയിളക്കം 

അവന്‍ ഇറങ്ങി നടന്നു  ...കാമാവേഷതോടെ 

ഒരു അയല്‍ക്കാരിയെ തേടി ഒരു അകന്ന 

ബന്ധുവിനെ തേടി യൊരു ബാലികയെ തേടി 

ഒരു  വൃദ്ധയെ തേടി ....ആരെയും 

കിട്ടിയില്ലേല്‍ പിന്നെ സ്വന്തം  ..............നെ തേടി  ..

 വിട്ട ഭാഗം  പൂരിപ്പിക്കാന്‍ എനിക്കാവില്ല 

കാരണം അത് ആരുമാകാം    ആരും !!!!. ..

തോല്പിക്കപ്പെടുന്ന ദൈവം

അന്ത്യ നാള്‍ വരെയുള്ള  ദൈവത്തിന്‍റെ അടിമകളെ മുഴുവന്‍ ഞാന്‍ വഴിപിഴപ്പിക്കും എന്ന ശപഥം ചെയ്ത ഇബലീസ് അതിനു മുന്‍പേ പരലോകത്തില്‍ എത്തിയത്  കണ്ടപ്പോള്‍ ദൈവം ചിരിച്ചു കൊണ്ട് പറഞ്ഞു " എന്ത് പറ്റി ? നിന്‍റെ ശപഥം നീ മറന്നു പോയോ ?  എനിക്കറിയാമായിരുന്നു  നീ തോല്‍വി സമ്മദിക്കുമെന്ന് .എന്തായാലും പരാജയം സമ്മതിച്ച് നീ തിരിച്ചു വന്നല്ലോ?..... ദൈവം മുഴുമിക്കുന്നതിനു മുന്‍പേ ഇബലീസ് അട്ടഹസിക്കാന്‍ തുടങ്ങി പരിഹാസത്തോടെ.. എന്താ പറഞ്ഞത്  തോറ്റു തിരിച്ചെത്തി എന്നോ?   ആകാംഷയോടെ നോക്കിയാ ദൈവത്തോട് ഇബലീസ് തുടര്‍ന്നു ഇനിയും ഭൂമിയില്‍ ഞാന്‍ കഷ്ടപ്പെട്ട് പണി എടുക്കേണ്ടതില്ല ..ഇനി എനിക്ക് വിശ്രമിക്കാം ഞാന്‍ ഇല്ലേലും നിന്‍റെ അടിമകളെ വഴി തെറ്റിക്കാന്‍ നിന്‍റെ അടിമകളായ എന്‍റെ അനുയായികള്‍ അവിടമാകെ നിറഞ്ഞു കവിഞ്ഞു ഞാന്‍ ചെയ്യുന്ന പണി ഇനി  അവര്‍ എടുത്തോളും ലോകം അവസാനിക്കും വരെ .....ഹ  ഹാ ഹാ . ഇബലീസിന്റെ വിജയ  പ്രഖ്യാപനം കേട്ട് ദൈവം അന്താളിച്ച്  നിന്നു......ഒരു നിമിഷം  ....എന്ത് ചെയ്യണം എന്നറിയാതെ ...... 

ആഡംബരം

ഒരു ഫോട്ടോ എടുക്കണം.. സര്‍വാഭരണ വിഭൂഷിണിയായി...... ചിരിച്ചു സുന്ദരമാക്കിയ മുഖം തിളങ്ങണം ...... പളപളാ മിന്നണം വസ്ത്രങ്ങള്‍ .... കാണുന്നവര്‍ പറയണം ജീവിച്ചിരുന്നപ്പോള്‍ അവള്‍ എത്ര സുന്ദരിയായിരുന്നു എന്ന്....

രാഷ്ട്രീയക്കാരന്‍

" വെളുത്ത ഖദറിന്‍റെ ഒത്ത നടുവില്‍ അഥവാ ഹൃദയത്തിന്‍റെ  ഭാഗത്ത്  ഒരു കറുത്ത കറ!   എത്ര കഴുകിയിട്ടും പോകുന്നില്ല എന്ന് മാത്രമല്ല ദിനേന  കൂടി കൂടി വരികയും ചെയ്യുന്നു .......' നേതാവ് പരാതി പറഞ്ഞു .."എങ്ങനെ കറ വരാതിരിക്കും ഹൃദയത്തില്‍ നിറയെ കറുപ്പല്ലേ ,നിറഞ്ഞു കവിഞ്ഞപ്പോള്‍ ഒഴുകിപ്പരക്കുകയാവും...."  ഞാന്‍ മനസ്സില്‍ പറഞ്ഞു . 

വിധി

"ഒരു നിമിശത്തെ അശ്രദ്ധ ഒരായുസിന്‍റെ കണ്ണീര്‍ " ട്രാഫിക്‌ അറിയിപ്പ് വായിച്ച ഡ്രൈവറുടെ ശ്രദ്ധ ഒരു നിമിഷം പിഴച്ചു.ബസ്‌ കൊക്കയിലേക്ക് മറിഞ്ഞു . .....ഒരുപാട് ആയുസ്സുകള്‍ 
കണ്ണീരിലായി