മഞ്ഞു തുള്ളി അവളൊരു നാള്‍
സൂര്യനെ കണ്ടു കൊതിച്ചു
അകം നിറഞ്ഞ പ്രേമ പരാഗങ്ങള്‍
അധരങ്ങളില്‍ പകരാന്‍ കൊതിച്ചു
പ്രിയനവന്റെ സ്നേഹ കിരണങ്ങള്‍
മെയ്യില്‍ ഏറ്റുവാങ്ങി മഴവില്ല്
വിടര്‍ത്താന്‍ മനം തുടിച്ചു
അണിഞ്ഞൊരുങ്ങി അവളെന്നും
അതിരാവിലെ അരികിലെ
ഇലത്തുമ്പില്‍ എത്തി നോക്കും
അവനുയരുന്നതും കാത്ത്......
കാത്തിരിക്കുന്ന കാമിനിയെ
ചേര്‍ത്ത് പിടിച്ച്‌ ഒന്ന് ചുംബിച്ചു-
ണര്‍ത്താന്‍ കള്ള കാമുകനും കൊതിച്ചു
പക്ഷെ അവനെത്തും മുന്‍പേ
അവരടുക്കും മുന്‍പേ പാവം
അവളുരികി തീരും അവന്‍റെ ചൂടിനാല്‍ ....
No comments:
Post a Comment