തിരയോട്

തിരയോടെനിക്കൊരുപാട്

ആരായാന്‍ ഉണ്ടായിരുന്നു

പതിയെ ഞൊറി കൂടി വരുന്ന

തിരകളില്‍ ഞാന്‍ എന്നെ

കാണുക ആയിരുന്നു .....

അകലെ കറുപ്പാണ്‌

അടിയില്‍ അഗാധത ആണ്

അങ്ങും ഇങ്ങും നിറഞ്ഞ

അനിശ്ചിതതത്വം ആണ്

എന്നിട്ടും നീ ....ഇത്ര

സുന്ദരമായി സന്തോഷകരമായി

ഒഴുകുന്നത് എങ്ങനെ എന്ന്

എനിക്കറിയണം ... അത്

അറിഞ്ഞിട്ടു വേണം

ഉത്തരമില്ലാത്ത ചോദ്യമായ

എന്‍റെ ജീവിതത്തിനു ഒരു

ഉത്തരം കണ്ടെത്താന്‍ .....